Mutikoen kategorian, 12 urtetik 14 urtera bitarteko 40 pilotari lehiatu ziren, eta nagusienetan, 42 pilotari; azken horietako 14, emakumezkoak izan ziren. Aurre-umetxoen B kategorian, Aimar Mendigurenek 18 eta 4 irabazi zion Inar Mariari; aurre-umetxoen A kategorian, Markel Larrañagak 18 eta 17 Ibai Mendigureni; umetxoen kategorian, Aimar Uriartek 18 eta 16 Aitzol Etxaberi; umeen kategorian, Mikel Aretxagak 18 eta 12 Asier da Silvari; eta gaztetxoen kategorian, Gorka Gutierrezek 18 eta 13 Eider Perezi.
Pilota goxoari dagokionez, emakumezkoetan, Marta Garciak eta Uxue Perezek 22 eta 12 irabazi zieten Janire Bilbaori eta Amaia Lopezi. Gizonezkoetan, bestalde, Ibon Atxutegi eta Andoni Aretxabaleta 22 eta 16 gailendu ziren Ramon Sanchez eta Mikel Larrañagaren kontra bigarren mailan; lehenengo mailan, Ager Martinek eta Igor Uriartek 22 eta 19 irabazi zieten Iñigo eta Diego Rodriguez anaiei.