Lezamako Udalak jakinarazi duenez, Zorrijaia ospatuko dute ekainaren 23an, San Joan bezperan. Aurten, domekan izango da San Joan gaua, eta horregatik, ohi baino egitarau zabalagoa egongo da goizetik, gazte zein helduentzat. Ekintzak hurrengo talde hauekin batera antolatu ditu udalak: Zorrizketan euskara elkartea, Kurutze dantza taldea, Ekidazu abesbatza, eskolako gurasoen elkartea eta Burrundadie batukada elkartea.
Aurtengo nobedadeen artean daude emakumezkoen pilota-partida profesionalak. Partidak 12:00etan izango dira frontoian. Ondoren, 14:00etan, umeentzako bazkaria izango da, eta 15:00etan, helduentzako bazkaria. Arratsaldean, 17:00etatik 19:00etara, erromeria gozatu ahalko da Musutruk taldearen eskutik, eta 19:00etatik 20:00etara, umeentzako tailerrak egongo dira.
Amaitzeko, 20:00etan banatuko dira ogitartekoak eta edariak, eta sua 22:15ean piztuko da nahiak eta gorrotoak erretzeko. Ohikoa denez, Kurutze dantza-taldeak, Ekidazu abesbatzak, Sorginak-ek eta Burrundadie batukada-elkarteak. Ekintzak Uribarri Topalekuko alboko zelaian eta kalean egingo dira; eta euririk badago, frontoian.
