Bihar, irailak 6, andramariak hasiko dira Lezaman, eta zenbait bide ipini dira martxan, eraso sexistei aurre egiteko. Horrela, eraso sexistarik jasan edo ikusiz gero, 606 367 358 telefono-zenbakira deitu daiteke barikuan eta zapatuan, 22:00etatik 07:00etara. Bestalde, brigada feministaren kideengana ere jo daiteke, zeinek lepoan zapi morea duten. Era berean, Eusko Jaurlaritzaren arreta-zerbitzu espezializatura deitu daiteke: 900 840 111 (24 ordu); eta komunikatzeko arazorik izanez gero, sms bat bidali 600 123 112 telefono-zenbakira. Gainera, eta jakinarazitakoaren arabera, jaietan eraso matxistarik balego, Lezamako Udalak eta Moreak talde feministak adostutako protokoloa ipiniko litzateke martxan, erasoari erantzuna emateko.