Beste aldetik, partida berdintsuagoa eta zirraragarria jokatu zen promesen kategorian. Lau pilotariek erakutsi zuten maila oso handia, baina azkenean Uriartek (Lezama) eta Elorzek (Zaratamo) osatutako bikotea nagusitu zen. Garaileek 22 eta 21 irabazi zieten Bidezabali eta Karrerari (Tolosa).
Labaka eta Aizpuru nagusitu ziren lehen final-laurdenetan
Barikuan, urtarrilak 10, Lezamako Eskualde Txapelketaren lehen final-laurdenak jokatu ziren, eta Tolosako Labaka eta Aizpuru hasiera-hasieratik nagusitu ziren. Horrela, ez zioten inongo aukerarik eman Lizeagak eta Apezetxeak (Astigarraga eta Goizueta) osatutako bikoteari, eta 22 eta 5 irabazi zieten. Lezamako Pilota Klubeko ordezkarien esanetan, Labakak eta Aizpuruk txapela eramateko aukera handia dute.