Lezamako LXV. Eskualde Txapelketak aurrera jarraitzen du, eta barikuan, urtarrilak 31, laugarren final laurdenak jokatuko dira. Promesen kategorian, bikote hauek ibiliko dira norgehiagoka: Bikandi (Iurreta) eta Calvo (Markina) vs Rekalde eta Apeztegia (Iruña). Lehen mailan, bestalde, Carregalek (Galdakao) eta Bilbaok, herriko pilotariak, jokatuko dute I Galarzaren eta Gurrearen kontra (Larraun). Partidak 19:00etan hasiko dira. Lezamako Pilota Klubak antolatutako txapelketa da, eta Juan Mari Dañobeitia klubeko kidearen omenez egiten da, hori zendu zenetik hona.