Hirugarren aldia izan da Uriartek finala jokatu duela, eta azkenean txapela lortu du. Partida nahiko berdintsu hasi zen, baina azkenean Uriarte eta Elorz 22 eta 14 nagusitu ziren. Lehen mailako partida, bestalde, ez zen lar ona izan, Amiano eta Uriondo hasiera-hasieratik gailendu ziren eta. Azkenean, 22 eta 8 irabazi zieten J. Alberdiri eta Lozari. Azkenean, txapelketaren pilotaririk onena Amiano hautatu zuten.
Amiano eta Uriondo, lehen mailako txapeldunak Lezaman; Uriarte eta Elorz, promesen kategoriakoak
Barikuan, otsailak 21, jendez gainezka izan zen Lezamako frontoia, 65. Eskualde Txapelketaren finalek ikusmin handia sortu zuten eta. Gainera, antolatzaileen poza bikoitza izan zen, Lezamako Pilota Klubeko Adrian Uriartek txapela lortu baitzuen promesen kategorian, Elorz bikotekidea izan zuela. “Ondo ibili zen eta partida polita egin zuen, Elorzek lagunduta. Oso polita izan da klubarentzat”, adierazi du Jaime Uriarte Lezamako Pilota Klubeko presidenteak.