Uztailaren 4an ‘Dragoi jagolea’ ikusi ahalko da Lezaman

Aikor aldizkaria 2025ko uzt. 2a, 12:21

Martxan da udako zinema Lezaman, eta bigarren saiorako Zinemaldian aurkeztutako marrazki biziduneko pelikula hau ikusi ahalko da udaletxearen atzealdean.

Umeek udako gauak gozatzeko, Lezamako udako zinema martxan dago. Ekainaren 27an egin zen lehenengo saioa El carné filmarekin, eta bigarrenerako Zinemaldian aurkeztutako Dragoi jagolea ikusi ahalko da. Uztailaren 4an, ostiralean, izango da emanaldia, zehazki, gaueko 10etan udaletxearen atzealdean.