Bi kategoria sortu dituzte: kadete eta junior/senior maila, 19 urtetik gorakoentzako. Talde bakoitzak gehienez 8 jokalari izan ahal ditu, areto futboleko arauak jarraituko dituzte eta epaileak antolakuntzak jarriko ditu. Sariei dagokienez, txapeldunak garaikurra eta 100 euro irabaziko ditu, bigarrenak garaikurra eta 60 euro eta hirugarrenak garaikurra eta 30 euro. Horrez gain, pitxitxiak ere garaikurra eramango du etxera.
Andra Mari jaiei begira antolatutako urteroko txapelketa da, eta aurten abuztuaren 22tik irailaren 8ra jokatuko dute. Bizia Kirol taldeak antolatzen du Lezamako Udalaren babesletzarekin. Izena emateko 699 06 07 95 telefonora idatzi behar da. Abuztuaren 20a da izena emateko azken eguna.