Leku askotan topatutako argazki bildumak agertzen dira liburuan. Egileek ehunka argazki batu dituzte, dokumentuak aztertu, herritarren oroitzapenak jaso dituzte, hau da, Lezamako etxe eta baserrien historia berreskuratzen saiatu dira. Bidean lagun, familia eta herritar askoren laguntza izan dute, eta danen artean lortu da liburu hau aurrera ateratzea.
“Liburu hau ez da argazki bilduma hutsa. Lezamaren memoria da. Gure aurrekoek eraiki zuten herriaren parte dela. Desagertutako baserrien, oraindik zutik dauden etxeen eta belaunaldi askoren bizipenaren arrastoa izanik”. Liburua Lezamako Udalak finantzatu du.