Joan den domekan Euskal Herriko Harrijasotzaileen Txapelketa izan zen Larrakoetxeko frontoian, Loiun. Irabazlea baskulak erabaki behar izan zuen, izan ere, Izaeta IIk eta Aimar Irigoienek altxada berdinak egin zituzten: 62.
Epaileek erregelamenduan kontsultatu, eta pisu gutxieneko harrijaotzaileari eman zioten garaipena; Izaeta IIri, hain zuzen ere. Gipuzkoarrak 1.800 euro jaso zuen saritzat. Joseba Ostolozak hirugarren postua lortu zuen, eta Izaeta III laugarren postuan gelditu zen.