Loiuko Udalak uste du egoera aldatu behar dela eta udalbatzak aho batez onartu du mozio bat, Aldundiari saihesbidea eraikitzeko eskatzeko. Gainera, proiektua egiten den bitartean, inguru horretan segurtasuna bermatzeko neurriak eskatu dizkiote loiuztarrek Aldundiari.
Esate baterako, zinegotziek Zabaloetxeko bidegurutzean biribilgunea eraikitzeko proposamena egin diote Aldundiari. “Mesedegarria izango litzateke, trafikoak sortzen dituen arazoak ekiditeko”, esan dute. Gainera, inguru horretan dauden semaforoak ez dira argiak. “Neurriak ez dira egokiak, gidariek ez dituzte semaforoak errespetatzen eta, ondorioz, istripuak gertatzen dira. Semaforoak aldatu behar dira eta beren maiztasuna ere aldatu behar da. Hori egiten bada, trafiko-ilarak bukatu egingo dira”.
Aldundiak udalbatzaren eskaerari erantzuten dion bitartean, segurtasuna indartuko du Udalak Landatxuetan. Ildo horretatik, udaltzainek trafikoa zuzenduko dute, umeek eskolara joateko errepidea gurutzatu behar dutenean.