BKTren etapa bat Loiun izango da domekan

 

Bizkaia Kopa Trail-aren saioa ekainaren 17an egingo da eta bost probatan parte hartzeko aukera egongo da: 10 kilometroko mendi martxa, 20 kilometroko mendi martxa, MTB karrera, Trail laburra eta Trail luzea.

 

Izena ematea ekainaren 15era arte egin daiteke http://www.bizkaiakopatrail.com webgunearen bidez (15:00ak arte), eta dortsalik baldin badago, probaren egunean bertan ere egin daiteke 08:00etatik aurrera. Aipatutako webgunean, etaparen eta proben inguruko informazio gehiago ipini dute eskuragarri.

Dortsalak hartzeko karpa eta irteera eta helmuga Aronsotegi plazan kokatuko dira. Bestetik, frontoian arropa gordetzeko zerbitzua, mahukak eta dutxak egongo dira parte-hartzaileen zerbitzura.