Logoa
Logoa
aikor.eus

Txoribikers taldeak bere egoitzaren ateak zabalduko dizkio jendeari zapatuan

  Gizartea  Loiu

Urte bi pasa dira Txoribikers Loiuko motorzaleen elkarteak bere egoitza ireki zuenetik, Katea-Loiu etorbidean, lehen farmazia zegoen lokalean. Urteurrena dela-eta, ospakizun ekitaldiak antolatu dituzte urriaren 20rako, goizez zein arratsaldez.

Horrela, goizeko 10etan, Txorierriko motorzaleei zuzendutako elkarretaratzea egongo da. “Motorzaleak daude gure bailaran, eta batzuk bakarrik ibili ohi dira, ez dutelako norekin elkartu. Gure helburua da gure elkartea eta egoitza ezagut ditzatela, nahi izanez gero, gurekin batera motorrez ibiltzeko”.

Bestetik, arratsaldeko 7etatik aurrera egoitzaren ateak zabalduko dituzte Bizkaiko eta inguruetako gainerako motorzaleen taldeentzat. “Espero dugu bertan 400 lagun inguru batzea”. Zerbait jateko eskainiko zaie eta kontzertuak ere egongo dira.

Txoribikers motorzaleen elkartea duela zazpi urte eratu zuten eta handik hona parte-hartze aktiboa eduki dute herriko bizitza sozio-kulturalean. Esate baterako, motorren elkarretaratzea antolatzen dute urtero eta beste elkarteen ekintzetan ere laguntzen dute. Motorzaleen egoitza barikuetan dago zabalik, arratsaldeko 7:00etatik gaueko 11:00k arte.     

2018/10/20 10:00:00

Loiu | Loiu

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa