Aireportuaren inguruan edozein etxe eraikitzeko, Espainiako Gobernuak eman behar du baimena eta, horretarako, ikerketa egin behar da. Ikerketak aztertu du ea Haritzondo-Txiline SR1 Sektorearen garapenak eragina duen aireportuan. Hau da, horren inguruan ezin da oztoporik egon, esate baterako, dorrearen eta hegazkinen arteko komunikazioa, lur-hartzeak eta uzteak ez eragozteko. Eta txostenak ondorioztatu du aireportuko segurtasunari eta erregulartasunari kalterik ekarri ez diotela.
Loiuko Udalak aeronautika-ikerketa egin du eta horrek baieztatu duenez, etxe berriak eraikitzeko aukera egongo da. “Batez ere babestutako etxebizitza, gure gazteek kanpora joateko beharra ez izateko. Ikerketa ezinbesteko urratsa izan da etxebizitza plana herrian garatu ahal izateko”, idatzi du Josu Andoni Begoña alkateak josuandoni.eus webgunean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).