“Gainera, Sestaon, 8. eta 9. postuan gelditu ziren hurrenez hurren, eta hiru kilometroan oso ahalegin handia egin zuten onenean artean egoteko”. Azaldu dutenez, neguko denboraldia amaitzen duenean, Bizkaiko Federazioak sei atleta aukeratzen ditu Euskadiko Txapelketan gure lurraldea ordezkatzeko. Txapelketa horretan hiru euskal selekzioak eta Euskadiko bederatzi talderik onenak ibiltzen dira.
“Urtuellan, lau kilometro egin beharko dituzte, eta beste aukera bat da beren kalitatea erakusten jarrai dezaten. Adrian eta Aner txapelketan parte hartzea sari bikoitza da taldearentzat”. Beste Bira atletismo taldea iaz sortu zen, eta gaur egun kategoria guztietan ditu atletak. Taldeak Txorierriko harrobia bultzatzea du helburu, atletismoa maite duten guztiek kirol hori etxetik hurbil egin ahal izateko. Entrenamenduak Larrondoan eta Derion egiten dituzte.