Kirol- eta aisialdi-azpiegiturak berritu dituzte Loiun

Josu Andoni Begoña alkateak bere webgunean jakinarazi duenez, herritarren eskaerei erantzun eta kirolari eta aisialdiari lotutako azpiegiturak berriztatu dituzte herrian bertan eta auzoetan. Horrela, bada, padel-pistak berritu eta estali egin dituzte, eta areto-futbolaren zelaiko belar artifiziala atondu dute. 

Era berean, zelaiko azpiegiturak birmoldatu dira eta ateak eta babesteko sareak konpondu dira. Skate-pistak ere birgaitu egin dituzte, horiek arrakalak zituzten eta.

Bestalde, umeentzako guneak atondu dituzte. Herriko plazan zabu modernoagoak ipini dira, eta aterpea estali da, eguraldi txarra dagoenean ere bertan jolastu ahal izateko. Azkenik, Lauroeta eta Larrondo auzoetako jolasguneak ere berritu egin dituzte.