Loiuztarrak herrian dauden ikastetxe pribatuetako kiroldegietara joan ohi dira kirola egitera, eta azpiegitura berriak erantzuna emango dio beharrizan horri. Era berean, tresna izango da gazteengan zein nagusiengan jarduera fisikoa eta ohitura osasungarriak sustatzeko. Bestalde, Begoñak adierazitakoaren arabera, pilotalekuaren eta kiroldegiaren artean beirate bat ipiniko da, azpiegitura biak kirol-esparru bakar batean integra daitezen. Proiektuaren diseinua datozen asteetarako bukatuko dute.
Josu Andoni Begoña Loiuko alkateak bere webgunean jakinarazi duenez, kiroldegia Zabaloetxeko pilotalekuaren ondoan eraikiko da, azpiegitura hori aprobetxatzeko eta kostuak gutxitzeko. Kiroldegiak hiru gune edukiko ditu: fitness-aretoa, spinning-a egiteko gunea eta hainbat kirol egin ahal izateko erabilera anitzeko aretoa, hala nola pilatesa, aerobic-a eta body conbat-a.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).