Kantautoreak adierazi duenez, lanak euskal diasporaren lana omentzea eta ezagutzera ematea du helburu, izan ere, Euskal Herritik milaka kilometrora egon, zenbait belaunaldien bitartez kulturari, folkloreari eta hizkuntzari eutsi diete. “Amerikan hainbat bira egin ondoren, Urrundik buruan nuen abestia zen. Beharbada sentimentalismoagatik edo 20 urteetan bizi izandako emozio guztiak barneratzeko beharragatik, orain egia bihurtu da. Urrundik zortzigarren euskal probintzia da, handiena eta nortasun bakarrean beste zazpi probintziak biltzen dituena”, esan du Loiuko abeslariak.
Gotzonen esanetan, Urrundik euskararen eta Hego Amerikako soinu-tresnen arteko fusioa da eta keinua egiten die lau mendeetan milaka euskaldun jaso dituen herrialdeko kulturari eta folkloreari. Hala, lanean legüero danborra (Santiago del Estero probintziako soinu-tresnak, Argentina) eta quena (Andeetako txirula) entzun daitezke. Gotzonekin batera, Xanpe bateria-jotzaileak, Txarlie Solano baxu-jotzaileak eta Jone Elordy biolontxelo-jotzaileak hartu dute parte Urrundik singlean. Era berean, euskal diasporaren abeslariek kolaboratu dute Gotzonekin.
Loiuko musikariak azaldu duen moduan, Urrundik lanaren baitan erbestaldia dago, itsasoa, mendia, ihesaldia, bolbora, mina, oparotasuna, herrimina, sentimendua, sustraiak, kultura eta hizkuntza.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).