Begoñaren esanetan, zergak eta udal-tasak izozteak ez du udal-zerbitzuetan eraginik izango eta jarraituko da talde zaurgarrien beharrizanei erantzuten. Bestalde, gogora ekarri du Bizkaiko udalek Udalkutxatik 185-200 milioi euro gutxiago jaso ahalko luketela, gure lurraldean zerga-bilketak % 20 egin baitu behera. Nolanahi ere, udalak zergak izoztearen alde egin du.
Josu Andoni Begoñak Loiuko alkateak bere webgunean jakinarazi duenez, gobernu-taldeak 2021eko zergak eta udal-tasak bere horretan uzteko proposamena eramango du osoko bilkurara, onartua izan dadin. Neurriak herritarren egoera ekonomikoa arintzea du helburu. “Krisi gogor batean gaude eta, ziur asko, luzea izango da. Udalak, beraz, ezin die herritarrei zama gehiagorik jarri”.