Domekan, Bizkaiko Atletismo Txapelketa izan zen Durangon, 16, 18 eta 20 urtez azpiko kategorietan. Beste Bira Loiuko taldeko hiru atletek txapelketan hartu zuten parte, eta Leire Barcia hirugarrena izan zen 400 metroko lasterketan. Brontzea lortzeaz gainera, marka berria ere egin zuen: 1:03:26.
Barcia 100 metroko lasterketan ere aritu zen. Proba horretan korrika egin ohi ez duen arren, Beste Bira taldekoa finalera ailegatu zen eta zazpigarrena gelditu zen. Halaber, marka berritu zen: 13.65.
Bestalde, Unai Careaga 1.500 metroko lasterketan aritu zen 18 urtez azpiko kategorian, eta seigarrena gelditu zen (4:33). Durangon, Aner Cespedesek lehen aldiz hartu zuen parte 3.000 metroko lasterketan eta zazpigarrena izan zen. Azkenik, Javi Allende eta Eduardo Manzanos parte-hartze libreko 3.000 metroko lasterketan ibili ziren eta helmugara bosgarrena eta seigarrena heldu ziren hurrenez hurren.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).