Bestalde, Begoñaren hitzetan, udala hiru kirol-egitasmo lantzen dabil. Horrela, laster CUBOFIT bat (aire zabaleko gimnasio funtzionala) ipiniko dute martxan, eta Calisteniari lotutako proiektu bat garatzeko aukera aztertzen dabiltza. Eskalada-murru bat ipintzeko asmoa ere badute. Proiektuak Zabaloetxe, Larrondo eta Lauroeta auzoetan garatuko dira.
Josu Andoni Begoña Loiuko alkateak bere webgunean jakinarazi duenez, udalak skate-pista konpondu berri du. Besteak beste, lan hauek egin dituzte: txarto zeuden taulak kentzea eta konpontzea, urki- eta HPL-taula berriak ipintzea eta erremateak eta oxido-puntuak berrikustea. Udalak 5.500 euro ipini ditu lanetan. Webgunean adierazitakoaren arabera, skate-pistak indarreko araudiak betetzen ditu eta bertan kirol hauek egin daitezke: skatea, rolling-a, scooter-a eta BMXa.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).