“Egoera epidemiologikoa oso delikatua da; beraz, inoiz baino zorrotzago bete behar ditugu osasun-agintariek ezarritako araudia eta prebentzio- eta babes-neurriak”, idatzi du webgunean. “Birusa ez zabaltzeko, Loiuko Udalak jarraitzen du herritarren eskura giza baliabideak eta baliabide teknikoak jartzen, baita pertsona eta talde ahulenei eman beharreko laguntza ere. Hortaz, kontu handiz ibili gaitezen eta jarraitu dezagun neurri egokiak hartzen kutsatzeak saihesteko”.
Loiu eremu gorrian sartu zen urtarrilaren 25ean. Josu Andoni Begoña bertako alkateak bere webgunean adierazi duenez, pandemiaren hedapena gutxitzeko Euskadin ezarritako neurri orokorrez gainera, udalak beste neurri batzuk hartu ditu, hala nola umeen parkeak ixtea, leku publikoetan desinfektatze-lanak areagotzea eta udalaren kirol-azpiegiturak ixtea.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).