Azaldukoaren arabera, lehenengo eta behin proba egingo dute ibilgailuen gaineko zergarekin eta emaitza positiboa bada, pixkanaka-pixkanaka zerga gehiago ordaindu ahalko dira sistema honen bidez. Bizum ordainketa-sistema erabili nahi dutenek hura aktibatu beharko dute euren banketxean, eta ondoren udalaren Ogasun Sailera deitu, metodo honen bidezko ordainketa eskatzeko. Mugikorrean mezu bat edo posta elektroniko bat jasoko dute: datuak egiaztatu eta ordainketa onartu beharko dute.
Josu Andoni Begoña Loiuko alkateak bere webgunean jakinarazi duenez, udalak Bizum ordainketa-sistema onartuko du herritarrek udal-zergak ordaindu ditzaten; hau da, loiuztarrek mugikorraren bidez ordaindu ahalko dituzte zergak. “Pandemiaren eraginez, konfinamenduan izan gara behin baino gehiagotan, eta helburua da herritarrei laguntzea joan-etorrien zailtasunei aurre egiten. Era berean, kudeaketa publikoan teknologia berriak erabiltzearen aldeko apustua da”, idatzi du Begoñak.