Unai Careaga, zilarrezko domina Bizkaiko txapelketan

Zapatuan, Bizkaiko Atletismo Txapelketa izan zen Durangon, eta Beste Bira klubeko korrikalariak zilarrezko domina lortu zuen bertan, 18 urtez azpiko kategorian. Deriotarrak 1.500 metroko lasterketan hartu zuen parte, eta oso gutxiagatik ez zuen hori irabazi.

Klubak adierazi duenez, Careagak urte gutxi daramatza atletismoan. Derion hasi zen, Beste Bira eskolan, eta gaur egun Paduran entrenatzen da Enrique Casteloren agindupean. Iraupen-lasterketak egiten ditu. “Poz-pozik gaude atleta gazteen lanak fruitua duelako. Oso harrobi ona dugu eta urteen poderioz agerian geldituko da. Guztiez gaude harro: inportanteena da kirola egitea eta haren balioak barneratzea”. Bestalde, klubeko korrikalariak Bizkaiko Absolutu Txapelketan arituko dira asteburuan, eta errelebo-lasterketan (4 x 400) ere hartuko dute parte.  

Txorierriko albiste garrantzitsuak eta azken ordukoak Whatsapp bitartez jaso gura dituzu?

WHATSAPP: Bidali ALTA 747 406 561 telefono zenbakira.

Izan zaitez berriemale ere bai. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).