Dirulaguntza eskuratu ahal izateko, eskatzaileak baldintza hauek bete beharko ditu: Loiun 2021eko apirilaren 1a baino lehenagotik erroldatuta egotea, bere ardurapean 14 urtetik beherako seme-alabak izatea eta lanean ibiltzea. Guraso bakarreko familia bada, eskatzaileak besteren konturako langilea izan behar du, eta aurrez aurreko lana edo lan erdipresentziala egin. Azken kasu horretan, lanaldi osoko kontratua izan behar du, eta aurrez aurreko lana gutxienez lanaldi erdikoan egin. Kontratua lanaldi erdikoa izanez gero, aurrez aurrekoa izan behar da.
Familia berean adingabearen zaintza duten pertsona bi bizi badira, horietako batek lanaldi osoko kontratua izan behar du, eta besteak, lanaldi erdikoa edo luzeagokoa. Gurasoetako bat langile autonomoa bada, besteak lanaldi osoko kontratua izan beharko du.
Azkenik, seme-alabak zaintzeko kontratatzen den pertsonari gutxienez 30 eguneko kontratua egin beharko dio eskatzaileak.