Loiuko Udalak 75.000 euro zuzenduko ditu enpresek herriko langabetuak kontratatzera

Josu Andoni Begoña Loiuko alkateak bere webgunearen bidez jakinarazi duenez, udalak 75.000 euro zuzenduko ditu enpresek herriko langabetuak kontratatu ditzaten. Loiuko, Txorierriko zein Bizkaiko enpresek eskuratu ahal dute dirulaguntza, eta kontratuek gutxienez sei hilabetekoak izan beharko dute, zehaztugabeak edo aldi baterakoak, eta jardunaldi osokoak. Dirulaguntza 2021eko irailaren 1etik abenduaren 1era bitartean egiten diren kontratuetarako da eta enpresek gehienez 4.000 euro jasoko ditu kontratu bakoitzeko.

Kontratatutako pertsonek Loiun erroldatuta izan behar dute kontratua egin baino sei hilabete lehenagotik. Enpresek abenduaren 1era arte aurkeztu ahalko ditu eskaera udalaren egoitza elektronikoaren bidez edo udaletxean bertan, astelehenetik barikura eta 08:30etik 13:30era.

Bestalde, Loiuko Udalak 10.000 euroko diru-partida zuzenduko du enplegagarritasuna hobetzen duten ikastaroetara. Udalak 500 euroko dirulaguntza emango du ikastaro bakoitzeko, eta 50 euro, ikastaroari lotutako joan-etorriak ordaintzen laguntzeko. Eskabideak abenduaren 1era arte aurkeztu ahalko dira.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).