Gela Pedagokikoak Loiu Txirrindularitza Taldea aurkeztu zuen atzo Loiuko plazan. Taldea kadete mailan hasiko da, eta proiektuaren sustatzaileek adierazi duten moduan, taldea apurka-apurka haztea dute helburu. Herriko lehenengo txirrindularitza taldea da. “Taldea Ilusio handiz jaio da eta bere aletxoa ekarri du txirrindularitzaren aldeko apustu sendoa egiteko, herrian eta Euskadin oro har zaletasun handia baitago”, esan dute prentsa-oharrean.
Txirrindulariak 2006an eta 2007an jaio dira. Gela Pedagokikoak baliabideak eskainiko dizkie: prestakuntzarako aholkularitza, prestakuntza fisikoa, euskarri mekanikoa, lasterketen egutegia eta, batez ere, hamarkada bi baino gehiagoko esperientziaren bermea. Gainera, etorkizunean umeek lehian sartu nahi badute, Gela Pedagogikoko BTT Eskolan amaitzen duten mutilak Loiu taldean sartuko dira.
Loiuko Udalak ere babestu du taldea, “proiektuak udalerriarentzat duen garrantzia funtsezkoa baita”. “Loiuko Udalak gazteen kirolaren aldeko apustua egin du, baita horri lotutako balioei ere: nork bere onena emateko gogoa, talde-lana, konpromisoa eta laguntasuna”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
