Pandemia dela eta, Loiuko abeslariak bertan behera utzi behar izan zuen nazioarteko bira, baina, iragarri duen moduan, urrian Argentinara eta Mexikora joateko asmoa du; gainera, Hego Amerikako beste herri batzuetan ere kontzertua egitea baliteke. Bestalde, Gotzon Malagan izan da eta datozen hilabeteetarako kontzertu hauek ditu itxita: apirilaren 28an, Lugon; maiatzaren 27an, Murtzian; eta ekainean, Alacanten.
Emanaldietan, Gotzonek bere ibilbidean egindako kantak abestuko ditu, eta Urrundik bere azken proiektua aurkeztuko du. Horretan, loiuztarrak omenaldia egin dio diasporari; bereziki euskal diasporari. Gotzonen kontzertuak akustikoak izango dira. Abeslariak jakinarazi duenez, urte bukaeran bere azken lana argitaratuko du: La pluma erotica.