Begoñaren hitzetan, Erdi Aroko gaztelua da Loiuko parke tematikoa osatuko duen elementuetako bat. Besteak hauek izango dira: spashapark-a, tirolina, Aterpeko zabuak eta Loiuko dorrea. Egitasmoaren helburua da Loiu girotzea, herriko familiek bertan disfrutatzea eta inguruko herrietako familiak erakartzea.
Josu Andoni Begoña Loiuko alkateak bere webgunean idatzi duenez, joan den barikuan, apirilak 8, Erdi Aroko gaztelua inauguratu zuten udalerrian. Hori umeek ondo pasatzeko estruktura da, orotara 270 metro koadro ditu eta, besteak beste, hauek osatzen dute: hiru txirrista zabalik eta beste bat itxita, egurrezko zubia, egurrezko eskailerak, sokaz egindako eskailerak eta bi suhiltzaile-barrak.