Begoñaren esanetan, lortutakoa azken urte bietan egindako lan nekezaren emaitza da, izan ere, negoziazio gogorrak izan dituzte Estatuko Gobernuko Ministerioarekin eta Abiazio Zibilekin, eta hainbat proposamen egin dituzte, “gure udalerrian etxebizitzak eraiki ahal izateko”. Era berean, bere hitzetan, “urrats garrantzitsua da Loiu handitu ahal izateko eta belaunaldi-erreleboa izateko”.
Loiuk hiru aireportu-erakunderen baimena lortu du etxebizitzak eraikitzeko
Aireportuak erabat baldintzatzen du Loiuko garapen urbanistikoa; hala ere, Josu Andoni Begoña hango alkateak bere webgunean azaldu duenez, hiru aireportu-erakundek –AENAk, AESAk eta EINAIREk– aldeko txostena egin dute Hariztondo-Txiline sektorean 400 etxebizitza eraikitzeko. Gune horrek 157.000 metro koadro baino gehiago ditu eta udalaren asmoa da bertan zenbait etxebizitza-bloke, eraikin atxikiak eta babes ofizialeko etxebizitzak eraikitzea, batez ere gazteentzat. Nolanahi ere, Bizkaiko Foru Aldundiak behin betikotasunez onartu behar du Loiuko Etxebizitza Plana, eta udalak esandako hiru erakundeen txostenak bidali dizkio horretarako.