Udal-ikastaroak merkeagoak izango dira Loiun

Josu Andoni Begoña Loiuko alkateak bere webgunean jakinarazi duenez, kirol- eta kultura-ikastaroetan izena emateko epea irailaren 14tik 21era izango da. Aurten bi nobedade egongo dira: alde batetik, ikastaro osoaren prezioa ordaindu beharko da hasieran; eta bestetik, ikastaroen tasak merkeagoak izango dira; % 25 inguru hain zuzen. Nagusientzako zein umeentzako ikastaroak izango dira eta haien artean aipatu daitezke hipopresiboak, entrenamendu funtzionala, tenis, taekwondoa, euskara, dantza modernoa, sukaldaritza, pilatesa, zunba eta pintura.

Bestalde, Begoñak beste nobedade bi azpimarratu ditu. Lehenengoa da Larrondoko Zentro Zibikoa berritzeari esker eta Cubofit ipintzeari esker nagusientzako ekintza gehiago egin ahalko direla, eta bigarrena da umeentzako margolaritza-tailerra ingelesez ere egiteko aukera egongo dela.

Loiun erroldatutakoek lehentasuna izango dute izena-ematea egiteko orduan, eta beharrezkoa izanez gero, zozketa egingo da irailaren 23an. Zerrendak irailaren 26an ipiniko dira ikusgai Zabaloetxeko kultur etxean, Larrondoko Zentro Zibikoan eta www.loiu.eus webgunean. Matrikula irailaren 27tik 30era ordaindu beharko da. Ikastaroak urriaren 3an hasiko dira.  

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).