Arrietane Fundazioa da Larraburu jauregiaren jabea. Hitzarmena dela eta, fundazioak udalari doan utziko dio jauregia, beheko solairuan haurreskola atondu dezaten. Bestalde, Loiuko Udalak haurreskolaren proiektua aurkeztu du. Horren arabera, sarbide berria egingo litzateke haurreskolara sartu eta handik atera ahal izateko, eta bertan izango lirateke, besteak beste, bi ikasgela, erabilera anitzeko gunea, haur-kotxeak uzteko lekua, bulegoa eta komunak.
Loiuko Udalak eta Arrietane Fundazioak lankidetza-hitzarmena sinatu dute, Larraburu jauregian haurreskola atondu ahal izateko. Josu Andoni Begoña alkateak bere webguneak adierazi duen moduan, herritarrak aspalditik dabiltza herrian haurreskola zabaltzeko eskatzen eta hitzarmenari esker laster zabaldu ahalko da. Gainera, haurreskola abiapuntua izan daiteke herrian eskola publikoa ere egoteko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).