Zehatz-mehatz, kanpamentu bi izango dira: multikirola, abenduaren 26tik 30era; eta Christmas Camp (ingelesez), urtarrilaren 2tik 5era. Biak Zabaloetxen egingo dira. Ekintza bakoitzak 30 euro balioko du; 25 euro, familia ugariko lehen umearentzat; 20 euro, familia ugariko bigarren umearentzat; 10 euro, familia ugariko hirugarren umearentzat; eta 10 euro, diru-sarrerak bermatzeko errenta jasotzen duten familientzat. Loiun erroldatuta ez daudenek, bestalde, 50 euro ordaindu beharko dute kanpamentu bakoitzeko.
Bihar hasiko da Loiuko Gabonetako kanpamentuetan izena emateko epea
Josu Andoni Begoña Loiuko alkateak bere webgunean jakinarazi duenez, abenduaren 26tik urtarrilaren 5era arte Gabonetako kanpamentuak izango dira herrian, “herritarrei lana eta familia uztartzen laguntzeko”. Izena ematea azaroaren 10tik 22ra bitartean, 08:30etik 13:30era, egin ahalko da udaletxean.