Sare Antifaxistak deituta, atzo, urtarrilak 8, zenbait lagun batu ziren Loiuko plazan, Ana Tere Barrueta Loiuko gaztea gogora ekartzeko. Barruetaren gorpua bere etxetik 100 bat metrora topatu zuten 1980ko urtarrilaren 9an: GAEko kideek (Grupos Armados Españoles) bahitu, bortxatu, torturatu eta hil zuten. Barruetak 19 urte zituen. Ekitaldian poema irakurri zuten gaztearen oroipenean.
"Ana Teresa Barrueta / Emakume Loiutarra, / Zeruan dago jada zure izarra / Agur eta ohore zuri ematea da gure beharra / Gaur , / Bortizkeriaren kontra / Aldarrikatu dezagun data / Zure kasua ez zen izan bakarra / Yolanda Gonzalez, Maria jose Bravo e.a, / Amorrua eta negarra / Matxismoa eta indarkeria / Politikoa erahilak / ez gaitezen izan koldarrak / Gertatutakoa zabaldu dezagun, / Elkarrekin batu ditzagun hondarrak, / Sororitatea da gure indarra / Ahaztu eta errepikatu, / esaera zaharra / Ez dezagun oroimena galdu / Bertso honi amaiera emateko oharra".
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
