Bonuak loiuztarrek bakarrik erosi ahalko dituzte otsailaren 1etik aurrera udaletxean bertan edo liburutegian eta Larrondoko frontoian, aurretik udaletxera deituta erreserbatu badira. Pertsona bakoitzak gehienez bost bonu erosi ahalko ditu. Bonuak maiatzaren 31ra arte gastatu ahalko dira kanpainari atxikitutako herriko dendetan eta ostalaritza-establezimenduetan. Begoñaren hitzetan, kanpainaren helburuak dira, besteak beste, Loiuko establezimenduetan gastatzea, egungo egoera ekonomikoak eragindako kalteak arintzen laguntzeko, herritarrek beherapenez baliatzea eta udalerria girotzea.
Josu Andoni Begoña Loiuko alkateak bere webgunearen bidez jakinarazi du otsailean bonu-kanpaina berria egingo dela. Orotara 3.000 bonu ipiniko dira loiuztarren eskura. Alde batetik, 1.000 bonu jarriko dituzte salgai: bonu bakoitza 10 euroan salduko da, baina bere benetako balioa 20 eurokoa izango da. Bestetik, 2.000 bonu aterako dituzte eta bakoitzak bost euro balioko du, hala ere, bere benetako balioa 10 eurokoa izango da. Bonuen bitartez, 40.000 euro bideratuko dira herriko dendetara, tabernetara eta jatetxeetara.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).