Oporretan familia, lana eta aisialdia uztartzea errazte aldera, Loiuko Udalak umeentzako campusak antolatu ditu Aste Santurako. Bi campus egongo dira: bizikleta, apirilaren 3tik 6ra, eta zientzia, apirilaren 11tik 14ra. Loiun erroldatuek martxoaren 22ra arte egin dezakete izena ematea, eta gainerakoek, plazarik balego, martxoaren 23an eta 24an.
Bizikleta campusa da bost urtetik 14 urtera bitarteko umeentzat; eta zientzia campusa, lau urtetik 12 urtera bitarteko umeentzat. Campus bakoitzak 30 euro balio ditu, baina familia ugariko lehen senideak 25 euro ordainduko ditu; bigarren senideak, 20 euro; eta gainerako senideek, 15 euro. DBE jasotzen dutenek, bestalde, 10 euro ordainduko dituzte, eta Loiun ez erroldatuek, 50 euro.
Campusak 09:30etik 13:30era izango dira, eta zientzia campusa ingelesez emango dira. Izena ematea udaletxean bertan edo udalaren helbide elektronikora mezua idatzita egin daiteke.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
