Kontzentrazioan parte hartzeko izena ematea zapatuan bertan, 10etatik aurrera, egingo da udaletxearen aurrean. Ondoren, 11:00etan, motozaleak errepidera irtengo dira antolatzaileek prestatutako ibilbidea egitera, eta, Loiura itzuli baino lehen, hamaiketakoa egingo dute sagardotegian. Herrira 13:00etan ailegatuko dira, eta beste ibilbide bat egingo dute, baina oraingo honetan tabernaz taberna.
Paella-jana 15:00etarako egongo da prest, eta 17:00etan moto-jolasak egingo dira herrigunean. Horrezaz gainera, drift erakustaldia (autoen lasterketa) izango da udaletxearen atzeko errepidean. Opariak 19:00etan zozketatuko dira, eta, eguna biribiltzeko, Lee Junior eta Five Direction taldeek kontzertua egingo dute 19:30ean.