Bihar, Gazteen Eguna ospatuko dute Loiuko jaietan, eta, besteak beste, izango dira olinpiadak, elektrotxaranga eta kontzertuak: Lowe, Akatz eta Garilak 26. Bestalde, domekan Paella Eguna izango da. Gastronomia-lehiaketaz gainera, egongo dira umeentzako puzgarriak, apar-jaia eta musika-saioak.
PWE Pro Wrestling Euskadiren eskutik eta San Pedro eta Santa Luzia jaietako egitarauaren baitan, bihar, uztailak 1, borroka librea ikusteko aukera egongo da Loiun. Borrokaldiak 13:15ean hasiko dira Aronsotegi plazan, Frantziako Tourra pasatu ostean. “Oso harro gaude Txorierrirentzat hain garrantzitsua izango den egunaren parte izateaz. PWE orain dela 10 urte baino gehiago sortu zen, eta, zalantza barik, biharkoa urte hauetan egin ditugun saiorik onenetarikoa izango da”, adierazi dute PWE elkarteko kideek.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).