Josu Andoni Begoña Loiuko alkateak bere webgunean jakinarazi duenez, amaitu dira Zamarripa auzoa eta herrigunea lotzeko bidegorriaren lanak. Horiek Loiuko bidegorriaren hirugarren fasearen baitan egin dira, eta helburua da auzokideak modu seguruan ibili ahal izatea, inguruan ez zegoelako espaloirik eta, ondorioz, oinezkoek zein autoek errepide beretik joan eta etorri behar zutelako. Era berean, txirrindulariek ere erabiltzeko bidea atondu da. Lanetara 84.942,38 euro (gehi BEZa) bideratu dira.
Oinezkoen eta txirrindularien segurtasuna kontuan hartzeaz gainera, Begoñaren esanetan, egitasmoa baliagarria izango da herritarren eta bisitarien artean mugikortasun eta aisialdi jasangarria bultzatzeko. Bestalde, aipatu beharra dago lanak baliatu direla auzoan aparkaleku txiki bat egiteko.
Azaldutakoaren arabera, agintaldi honetan Loiuko bidegorriaren azken fasea egingo da. Loiuko bidegorria etorkizunean Txorierrin egingo den bidegorriarekin lotuko da; eta hori Bilbokoarekin.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).