Loiun erroldatutako 18 urtetik gorakoek eskatu ahalko dute aretoa erabiltzea; horretarako, inskripzio-fitxa bat bete beharko dute, euren datuak adierazita. Aretoaren giltza barikuan hartuko dute udaletxean, eta astelehenean itzuli. Erabilera- eta funtzionamendu-arauetan jaso duten moduan, erabiltzaileek zaindu beharko dituzte aretoa eta materiala, eta kalterik izanez gero, udalari jakinarazi beharko diote. Aretoan ezin izango da jan, ezta pilotarik erabili ere.
Josu Andoni Begoña Loiuko alkateak bere webgunearen bidez jakinarazi duenez, Zabaloetxeko kultura-etxeko erabilera anitzeko gela urte amaierara arte erabili ahalko da, herriko umeak bertan hotzetik eta eguraldi txarretik babestu ahal izateko. Gela zapatuetan eta domeketan erabili ahalko da, 17:00etatik 20:00etara, jaiegunetan eta zubietan izan ezik; era berean, gelan ekintza berezirik antolatuz gero, ezin izango da hura erabili. Hamar euroko fidantza ordaindu beharko da, eta dirua aretoa erabili ondoren itzuliko da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).