Josu Andoni Begoña Loiuko alkateak bere webgunean idatzi duen moduan, udalak bi irteera antolatu du abendurako: bata, Olentzeroren Etxera; eta bestea, Gabonetako Parkera. Kasu bietan, izena ematea gaur, azaroak 16, zabaldu da eta azaroaren 24ra arte egongo da zabalik. Izena ematea www.loiu.eus webgunean egin daiteke, edo udaletxean bertan.
Olentzeroren Etxera abenduaren 3an joango dira; hala ere, ez da autobus-zerbitzurik egongo eta familia bakoitza bere kabuz hurbildu beharko da Mungiara. Doako ekintza da Loiun erroldatuentzat eta sarrerak azaroaren 28an eta 29an jaso behar dira udaletxean. Bisita 18:45ean hasiko da.
Bestalde, Gabonetako Parkera abenduaren 23an joango dira. Kasu honetan, autobus-zerbitzua egongo da. Autobusa 10:00etan irtengo da Zabaloetxetik eta Larrondora abiatuko da. Itzultzeko, autobusa 15:00etan aterako da BECetik eta lehenik Larrondotik pasatuko da, eta gero, Zabaloetxetik.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
