Atzo, azaroak 26, Euskadiko txapelketa izan zen Laudion, eta Beste Bira Loiuko atletak gailendu ziren bertan master kategorian, podiumaren gorenera ailegatu ziren eta. Igor García Zarraga buru zela, M45 banako titulua ere eskuratu zena, Txorierriko atletek lortu zuten, Ellakuri zirkuitu zailean, lehen hiru puntuagarriak gainerako kluben aurretik sartzea. Horretarako, lasterkariek 6.840 metro egin behar izan zituzten, belarra, lokatza, aldapak, irteera eta helmuga zituen pista batean.
Eduardo Manzanos bigarrena izan zen puntuak lortzen, eta, gainera, urrea eskuratu zuen M50 kategorian; hirugarrena Jonmi Trebolazabala izan zen. Gainerako taldekideak izan ziren Javi Allende, Luis Plasencia, Oskar Martín eta Igor Barcia. Bestalde, Laurent Williams zazpigarrena izan zen M55ean. “Egun handia izan zen klubarentzat. Euskadiko Liga Krosean ere lehenak gara, nahiz eta oraindik kros batzuk egin behar diren; ea emaitza onei eusten diegun”, adierazi dute klubeko ordezkariek.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).