Iaz, Euskadiko Kros Liga egin zen lehen aldiz eta, abenduan aurreratu genuenez, hura Beste Bira Loiu atletismo-taldeko kideek irabazi zuten master kategorian. Golardoa domekan, urtarrilak 14, jaso zuten Gamarran. Indibidualki, bestalde, Igor Garciak eta Edu Manzanosek urrea eta brontzea lortu zuten hurrenez hurren, M45 kategorian; eta Garciak, brontzea, senior kategorian.
Domekan, Euskadiko Txapelketa izan zen Gamarran, kategoria absolutuan, eta Euskadiko 22 taldek hartu zuten parte bertan; Beste Bira zazpigarrena gelditu zen. Beste aldetik, domekan, urtarrilak 21, Bizkaiko Kros Txapelketa, master kategorian, izango da Muskiz: txapelketa Beste Bira Loiuk irabazi zuen iaz eta ahaleginduko dira titulua berriro lortzen. Taldeak datozen egunetan izango dituen beste hitzordu garrantzitsu batzuk dira, alde batetik, Zamudioko Krosa, eta bestetik, otsailean Kordoban egingo den Espainiako Kros Txapelketa.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).