Zapatuan Inauteriak ospatuko dituzte Larrondon
Inauteriak zapatuan, otsailak 3, izango dira Loiun, Larrondo auzoan hain zuzen. Udalak antolatuta, arratsaldeko 4etatik aurrera puzgarriak eta simulagailuak egongo dira, eta 17:00etan mozorro-lehiaketa hasiko da. Mozorrorik onenak 150 euro jasoko ditu saritzat; bigarrenak, 100 euro; eta hirugarrenak, 50 euro. Gainera, Dj Xaiborrek festa girotuko du plazan (eguraldi txarra izanez gero, frontoian), eta sariak eta sorpresak egongo dira. Mozorroa janzten duten ume guztiek gozoki-poltsa bana jasoko dute.