Josu Andoni Begoña Loiuko alkateak bere webgunean jakinarazi duenez, amaitu dira Larrondoko gimnasioko lanak. “Obra garrantzitsu horiei esker, Larrondo auzoak izango ditu gimnasioa, aldagelak eta kirol anitzeko aretoa, hainbat kirol-jarduera egiteko”, idatzi du. Lanak egiteko, Loiuko Udalak 140.000 euro jaso ditu Bizkaiko Foru Aldundiko Herriak Egiten funtsetik. Jakinarazitakoaren arabera, gimnasioko makinen lizitazioa datozen asteetan egingo da.