Bere hitzetan, gobernu-taldeak “Loiu berri bat” gauzatuko du. Horrela, gazteentzako babes ofizialeko etxebizitzak eraikiko dira Ariztondo-Txiline sektorean, higikortasun-zerbitzu gehiago sustatuko dira, eta Landatxueta KT erosiko dute, han kirol-, kultura-, aisialdi-, familia- eta gazte-azpiegitura berriak atontzeko. Era berean, haurreskola zabalduko da Lauroetan eta udal-igerilekuak egingo dira. Horrezaz gainera, herriko elkarte bakoitzak jasotzen duen dirulaguntzak % 50eko igoera izango du, eta Zabaloetzen bi errotonda eraikiko dira. Belar artifizialezko futbol-zelaia ipiniko da Larrondon, eta saneamendua hobetuko da Elorritxun, Lauroetan eta Aiartzan.
Beste aldetik, Larrondoko eta Zabaloetxeko gimnasioak inauguratuko dira, eta amaituko dute udalerriko auzo guztietan LED argiak ipintzen. Halaber, martxan ipiniko dute Gizartea, Kultura eta Kirola Dinamizatzeko IV. Plana. Bere hitzetan, planean jasotako jardute guztiek bat egiten dute Nazio Batuen Garapen Jasangarrirako Helburuekin. “92 proiektuen helburua da Loiu modernoago eta kohesionatuagoa eraikitzen jarraitzea da, pertsona guztiei bizitza-kalitate handia eskaintzen diena eta auzo guztietara ailegatzen diren udal-zerbitzuak dituena”.
Azaldu duenaren arabera, Agintaldi Plana oinarritu da erakundeen, elkarteen, enpresen, ikastetxeen eta herritarren arteko topaketetan jasotako hainbat proposamenetan. Loiuztarrek plana jasoko dute etxean.