Horrela, Igor García Zarragak urrezko domina lortu zuen 3.000 m-ko lasterketan eta M50 kategorian. “Oso ausarta izen zen lasterketan, beti aurrera eta erritmoa handitzen egin behar izan zituen 15 biretako bakoitzean, harik eta harrapaezin bihurtu zen arte”, adierazi dute klubeko ordezkariek. Baina hori ez zen izan lortu zuen domina bakarra, 1.500 m-ko lasterketan bigarrena izan zen eta; hortaz, zilarrezkoa eskuratu zuen. Hitzordua biribiltzeko, 4x200 errelebo-taldea bigarren heldu zen bere kategorian; taldea osatu zuen Igor García Zarragak, Eduardo Manzanosek, Javier Allendek eta Raúl Ortizek (Barakaldoko klubak utzita). Bestalde, Javier Allende bederatzigarren heldu zen 800 m-ko eta 1.500 m-ko lasterketetan.
“Harro gaude gure atleta guztiez, domina lortu edo ez; izan ere, onenen artean egote hutsa bada garaipena. Nolanahi ere, podiumetan egon gara eta hori oparia da. Betiko moduan, onena da oso ondo pasatu dugula”.