Udalekuak ekainaren 24tik uztailaren 19ra arte izango dira, 09:30etik 13:30era, eta hiru aukera egongo dira: Uda Txiki, 2018tik 2021era bitartean jaiotakoentzat; Udalekuak, 2013tik 2017ra bitartean jaiotakoentzat; eta Udagazte, 2008tik 2012ra bitartean jaiotako gazteentzat. Izena ematea online egin behar da eta azken eguna maiatzaren 28a izango da.
Loiun erroldatutako umeek 30 euro ordaindu beharko dituzte aste bakoitzeko, baina deskontuak egongo dira familia ugarientzat eta DBE jasotzen duten familientzat. Loiun erroldatuta ez daudenek, bestalde, 50 euro ordaindu beharko dira aste bakoitzeko. Era berean, umeak udalekuak hasi baino ordubete lehenago uzteko aukera egongo da, eta udalekuak bukatu eta ordubete beranduago jaso; kasu horretan, 10 edo 20 euro gehiago ordaindu beharko da asteko. Loiuztarrek lehentasuna izango dute, eta beharrezkoa izanez gero, zozketa egingo da. Informazio gehiagorako, www.loiu.eus webgunera jo daiteke.
