Parte-hartzaile bakoitzak izen emate bat egin ahalko du, eta paella bat aurkeztu. Paellak 14:00etatik 15:00etara aurkeztu beharko dira. Parte-hartzaileek nahi dituzten osagaiak erabili ahalko dituzte. Nolanahi ere, paella landan egin beharko dute derrigorrean, eta partzelaren izena ematea aurretik ordainduta izan. Txapelketaren oinarriak www.loiu.eus webgunean kontsultatu daitezke.
Ohikoa denez, paella txapelketa egingo da Loiuko jaien baitan. Txapelketa zapatuan, ekainak 29, izango da, 09:00etatik aurrera, liburutegiaren atzeko landan. Irabazleak 250 euro eta txapela jasoko ditu saritzat; bigarrenak, 200 euro; hirugarrenak, 150 euro; eta laugarrenak, 100 euro. Bestalde, hainbat gauza banatuko dira bosgarren eta hamabigarren postuen artean gelditzen direnen artean, eta azkenak egurrezko koilara jasoko du.