Begoñaren hitzetan, herritarrei entzute aktiboan oinarritu dira aurrekontuak diseinatzeko orduan. 2025eko aurrekontuak bermatuko du zerbitzu publikoak modu optimoan ematen direla. Era berean, ahalbidetuko du udal-langile gehiago kontratatzea, zerbitzu hobea eskaintzeko, eta Larrondon herritarren arretarako zerbitzua ipintzea, udal-izapideak errazteko. “Halaber, pertsona zaurgarrienentzako laguntzak handituko dira, eta gizarte-, kultura- eta kirol-elkarteentzako % 50eko igoerari eutsiko zaio”.
Beste aldetik, Begoñak adierazi duen moduan, aurrekontuari esker jarraituko dute auzoetan hobekuntzak egiten, eta proiektu estrategikoei ekingo diete, hala nola herriguneko eraldaketari, Ariztondo-Txiline sektoreko Etxebizitza Planari, bi biribilgune eraikitzeari eta Landatxueta kirol-gunea garatzeari.